劲叻！何超欣升大学入读麻省理工学院一姐都顶唔顺！吴若希嫌港楼贵宁住澳门

今日快报

一片睇晒！BB包变少女包超得意

徐荣囡囡徐心怡（包包）凭着可爱嘅外表，成功俘虏唔少网民嘅心。

更加有网民话，见到包包就觉得好治愈！唔经唔觉，包包就嚟两岁啦，佢仲由“BB包”变身“少女包”，真系超萌呀。

劲叻！超欣升大学入读麻省理工学院

赌王何鸿燊四房子女学业成绩彪炳，先有自小被封为“数学天才”何猷君，读书名列前矛，又以三年时间，读完四年麻省理工学院（MIT）课程，又以21岁之龄破纪录成为该校史上最年轻考进同一学院金融硕士课程，认真厉害。但原来妹妹何超欣一样劲，与哥哥一样喜欢数学，更曾在数学考试全级第一。

话咁快超欣要升读大学，本身已获不少著名大学取录的她选了与哥哥何猷君就读的麻省理工学院，与哥哥同校，令身为妈妈的梁安琪十分放心。两名子女都属尖子，更入读名校，梁安琪接受访问时表示：“好欣慰，佢入到咁好嘅学校，猷君一直都想妹妹同一间学校，可以畀意见同照顾到佢。”她更直言忙于选举工作，故无法送超欣机。

被困电梯！黄宗泽着背心等到口擘擘

艺人黄宗泽（Bosco）近日就忙于拍摄邵氏网剧《飞虎极战》，喺烈日当空下拍摄戏份，真系唔容易，难怪Bosco都话愈拍愈瘦，相当辛苦。

不过Bosco啱啱喺社交网分享咗佢拍剧以外嘅其他奇遇，就系讲佢困电梯历险记，佢仲上载咗自己在电梯入面嘅相，并留言表示：“人生第一次被困电梯！但不知道为什么这帮人困电梯会困得那么兴奋？相中见到伍咏薇（伍姑娘）都喺入面，佢仲拎住把扇，而Bosco就白色背心上阵，仲做出一个口擘擘嘅表情，网友纷纷留言叫Bosco耐心等待，好快就可以出返嚟喇！

一姐都顶唔顺！吴若希嫌港楼贵宁住澳门

歌手吴若希（Jinny）为庆祝入行7年，特登从澳门返港出席歌迷聚会，穿上露膊连身裙的Jinny上围明显比生完缩了一个码，由于她长居澳门，问到日前打风有否受影响？Jinny说：“我就冇乜大影响，只系停咗两小时电。（高级住宅？）普通住宅，因为我住凼仔，反而住澳门嘅老爷、奶奶就冇水、冇电要过嚟冲凉。”随即透露打风翌日与男友Alex落街做义工执树叶，Jinny说：“我好Proud Of另一半，佢同佢队球队啲人有义载。”

问到有否想过搬返香港住？Jinny说：“都适宜喺澳门住，冇咁大压力。（真系冇谂过返香港？）等女大啲先谂，香港楼好贵，唔系正常人买到。（你唔系正常人？因为你都有层楼？）未供完，依家先开始供。”

对于连番被菊梓乔及林頴彤抢去“星梦一姐”位，Jinny说：“尽量Keep住做嘢帮公司搵钱，我哋冇一姐。（唔放对方在眼内？）我哋冇分彼此，大家都同级。”贵为人母的Jinny坦言现时除了事业还有家庭，问到约满是否不再续约？Jinny说：“5年后再讲。”

为台风吹袭事件祷告 张柏芝仔仔获赞乖

艺人张柏芝向来好锡两个仔Lucas同Quintus，佢亦好明白身教嘅重要性，所以为咗仔仔常常喺日常生活中做个好榜样。

话说近日香港同澳门一连被两个台风吹袭，澳门更因此造成多人伤亡，张柏芝亦好关注今次事件，于是昨晚佢同两个仔食饭前，就要求两个仔为台风造成嘅伤害而祷告，网民见到后都大赞柏芝教得好，仲话两个小朋友好乖！柏芝留言：“两个仔好乖哦，祷告完就开饭，等不及了哈哈哈，菜看起来真的好好吃！”

柏芝又留言指要求两个仔喺饭前祷告系希望佢哋明白幸福唔系必然：“因为他不知道台风会令到多少人受苦，所以我要佢哋亲自食饭前向受难者祷告，不希望他们常常觉得自己很幸福，所有事情都不是必然的。”

入行50年！汪明荃唔识攰：要坚持进步

汪明荃（Liza）于红馆举行《汪明荃50周年The Timeless Concert 2017》，以劲歌热舞唱出《热咖啡》等快歌Medley，更表示：「唔攰！愈做愈精神！做50年真系好长时间，如果冇大家支持会好难行，因为一定有高低起跌同人事关系，好复杂，要坚持进步，先有今日嘅我。」

到Encore时段，身穿黑色露背纱裙的她唱出《华丽转身》等歌曲，观众都不愿离场。她落台后又再次上台说：「咁难得Book到红馆点舍得走？想藉呢个机会多谢以前嘅老师、依家嘅合作伙伴、新旧歌迷。我系个咁平凡嘅女子，由上海移民嚟香港开始我嘅演艺事业，呢个地方畀咗我好多机会、爱同包容，我知道我啲歌好多人都话汪明荃style，但我系一个好努力嘅人，每个人都有少少值得人欣赏嘅地方，我希望大家都系一样，千祈唔好觉得自己太渺小，要尽晒全力去做，得到人哋嘅认同。」

她再次多谢歌迷及香港，最后唱出《美丽娱乐世界》，演唱会圆满结束。

郑重声明：此文内容为本网站转载企业宣传资讯，目的在于传播更多信息，与本站立场无关。仅供读者参考，并请自行核实相关内容。